مولانا فضل الرحمٰن نے اندر کی کہانی بیان کردی

اسلام آباد (ویب ڈیسک) پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمٰن نے پاکستان پیپلز پارٹی (پی پی پی) کے رویے کو غیر جمہوری قرار دے دیا۔ڈیرہ اسماعیل خان میں نجی ٹی وی چینل سے گفتگو کرتے ہوئے مولانا فضل الرحمٰن نے پی ڈی ایم اجلاس کے بعد خود سامنے آنے

سے متعلق بھی بتایا۔ان کا کہنا تھا کہ میں پریس کانفرنس میں نہیں آنا چاہتا تھا، لیکن سب کے اسرار پر آیا اور اعلان کیا۔پی پی سے متعلق بات کرتے ہوئے مولانا فضل الرحمٰن نے کہا کہ پی ڈی ایم اجلاس میں پیپلز پارٹی کا رویہ غیر جمہوری تھا۔انھوں نے یہ بھی کہا کہ 9 جماعتیں استعفوں کے حق میں اور پیپلز پارٹی مخالف تھی۔پی ڈی ایم سربراہ نے یہ بھی کہہ دیا کہ پیپلز پارٹی جہموریت جمہوریت کہتے تھکتی نہیں، پیپلز پارٹی نے وقت مانگا ہے، پی ڈی ایم جواب کا انتظار کرے گی۔مولانا فضل الرحمٰن نے واضح کردیا کہ پی ڈی ایم اتحاد ابھی قائم ہے۔خیال رہے کہ پی ڈی ایم نے پیپلز پارٹی کی جانب سے مہلت مانگنے پر لانگ مارچ ملتوی کردیا۔

Sharing is caring!

Comments are closed.